Eit samrøystes Utval for byutvikling har gjeve kommunaldirektøren løyve til å stå for sal av unike Skjepavikholmen i Sagvåg. Kjøpar vil vera Sagvågen Kystlag, som skal bruka den vesle holmen i den «bukselause hamna» til naust /verkstad og kaiane rundt til liggjestad for ikoniske båtar. I si eiga har laget representasjonsbåten til Stord Kisgruber M/Y Kis, det sagvågsbygte «smykket» Mb Liten og ein seksæring bygt i Åkrafjorden på 1800-talet. Utstillingsarbeidet er i tråd med laget sitt føremål om å ta vare på småbåtradisjonen i området. Utlegg i samband med salet/kjøpet tilfell kjøparen og taksten er sett til 120.000 kroner.
PS: Tilnamnet «bukselaus hamn» har Sagvåg fått nettopp av den grunn at det både er og var, så trygt å leggja til kai der – at ein kunne kle seg i nett same natttyet som i heimen.