Stord teaterlag gledar seg til å setje opp familieforestillinga «Robin Hood og Villungane i kongens skog» i Kulturhuset komande helg. Dette blir den aller siste oppsettinga teaterlagsbautaene Ingvild Johannessen og Sigrid Dahl Andersen er med på.
Grunna pandemien er det heile tre år sidan teaterlaget sist hadde oppsetting. I år er 27 barn og unge i alderen 8 – 14 år med. Den flinke gjengen har øvd saman sidan tidleg haust, og har i helga endeleg fått øvd med både kostyme, sminke, lys og lyd. No kriblar det ekstra med glede og spenning over å få syna førestillinga til publikum. Bak dei flotte kulissane, kostymane, sminke og meir til står ei ivrig og positiv foreldregruppe.
«Robin Hood og villungane i kongens skog» tek for seg historia om Tytto og Villungane som bur i Sherwoodskogen. Alle ungane i skogen er fredlause og foreldra til ungane er tekne til fangar eller reist til Frankrike med kong Richard. Tytto har passa på dei, men så kjem Robin Hood som seier ja til å halde orden på skogen og passe på dei. På slottet er det både Kong Johan, Sjeriff og Greve som har teke over styringa etter at kong Richard drog. Og oppe i tårnet der sit Marian som er forlova med Robin. Ho er teken til fange av Sjeriffen som vil gifte seg med ho.
Førestillinga er den 39. i rekka som barne- og ungdomsgruppa i teaterlaget set opp. «Robin Hood og villungane i kongensskog» var den første førestillinga barnegruppa sette opp attende på byrjinga av 80-talet. Ingvild Johanessen og Sigrid Dahl Andersen har vore på i alle år. Ein kan difor sei at ringen er slutta no når dei takkar for seg i teaterlaget etter så mange år med same førestilling.
Teaterlaget ynskjer velkomen til førestilling laurdag og sundag komande helg og neste helg.