Kva får du om du tek det aller beste frå scenen til Bakeriet Frugård og legg det saman med det aller beste frå scenen til Osvald pub og Olsen & Jensens viseklubb?
Svaret er Vikjo visefestival.
Den siste veka i oktober går dei tre kulturinstitusjonane i Leirvik sentrum saman. På menyen står gripande og underhaldande musikk, humor og akrobatikk, utøvd av nokon av dei aller ypparste i faget: Stein Torleif Bjella m/ band, Tønes, De musikalske dvergene, Permanent Vacation, Captain Frodo og Valkyrien Allstars med Tuva Syvertsen i spissen.
Visefestivalen blir arrangert på Arena og på Osvald pub 25. – 28. oktober og inkluderer også familiearrangement.
Meir informasjon er å finna på vikjovise.no
