– Denne går det vel an å laga ei nauarong av!
Det var kommentaren som følgde dette naturbiletet frå Jakob Vik, teke på ny tur i nærliggjande skog. Han har heilt sikkert rett, problemet var berre at stordront.no sin skrivande ikkje er særleg «bevandra» i trebåtbyggjarkunsten. I oppveksten (for lenge sidan), samla me nok opp nokre timar bak i rongjo på ein færing, men nauarong skulle visa seg å vera noko heilt anna.
– Det er eit trestykke som held øvste borda på kvar side saman oppe i kvar ende, forklarar Vik i ny illustrert sending.
