Tredje januar i år signerte og sende ordførar Harald Rydland i Fitjar brev til vegeigar Hordaland fylkeskommune. For andre gong vart det bede om redusert fartsgrense Fv 545. Dette gjeld for 1 kilometer mellom Årbø og Tveita som er skilta for 80 km/t, medan resten av den 6,5 km lange vegen frå Rydland til sentrum er skilta for 60 km/t. Strekket med 80 km/t er det mest svinga og uoversiktlege. Første gong kommunen sende søknad vart det avslag med tilvising til eit rundskriv kring «fartsgrensekriteriar». Etter lesing av regelverket er Rydland komen fram til at den omtalte ein kilometeren med 80, burde vera velkvalifisert for 60. Sju konkrete punkt er tekne med i den nye søknaden.
– Sendt for vel fem månader sidan, har du fått svar frå fylket?
– Ikkje førebels, men med gir ikkje opp, seier Harald Rydland til stordront.no. Og legg til.
– Du veit, viktigaste eigenskapar for ein lokalpolitikar er engasjement – og tolmod.