![](https://usercontent.one/wp/www.stordront.no/wp-content/uploads/2023/01/nissestubbar_050123-1024x768.jpg)
Etter den uoffisielle regelen om at «Trettandedag Knut, jagar jula ut», er fjorårsjula uoffisielt slutt 6. januar. Det er likevel gode grunnar til å tru at det framleis er mogleg å ta ein prat med nissen. Han er å treffa ikkje så langt frå parkeringsplassen på Vatna, nokre timetrar inne på vegen mot Ådlandsvatnet og Stuva. Der er det med furustubbar rigga til ei flott sitjegruppe, kor Grønenissen i eigen versjon tronar på høgestubben. Alltid klar for ein samtale med vegfarande.
På vegner av mange gåande, sender stordront.no takkens ord til den/dei som har forma både nisse, og sitjeplassar til ålmenn bruk.