På dei kommunale nettsidene meldes der ar meirope-løysninga på Nysæter filial og kombinasjonsbibliotek no endeleg er klar til å bli brukt!
Ordførar Gaute Straume Epland var innom filialen førre veke. Han fekk opplæring i korleis ein bruker kortlesaren, og opna i same stund offisielt tilbodet for ålmenta.
Med meirope får lånarar som har inngått avtale med biblioteket, låsa seg inn i biblioteket utanom betjent opningstid i visse tidsrom. Brukarane av ordninga må vera over 18 år og ha lånekort.
For å få tilgong, må du koma innom biblioteket anten på Vikjo eller på Nysæter, og få hjelp frå bibliotekaren i skranken. Dei som allereie har meirope-tilgang på hovudbiblioteket, kan òg bruka kortet sitt på Nysæter.
Nye opningstider Nysæter:
| Vekedag | Betjente opningstider | Tilgang med lånekort |
| Måndag | Stengt | 15.00 – 20.00 |
| Tysdag | 12-18 | 18.00 – 20.00 |
| Onsdag | Stengt | 15.00 – 20.00 |
| Torsdag | 12-16 | 16.00 – 20.00 |
| Fredag | Stengt | 15.00 – 20.00 |
Denne saka er henta i si heilskap frå Stord kommune sine heimesider.