Ikkje særleg freistande å sitja på

Ser ikkje bra ut, dette. (Foto: Steinar Hystad)

Det kan diverre verka som om benk-installasjonen på austsida av Leirvik torg har falle mellom to stolar, som det gjerne vert sagt når lite og ingenting skjer, medan forfallet rår. Etter ein våt haust, med sterkt lauvfall i tillegg, er det blitt svært lite freistande å setja seg ned på på stålplatene, og endå mindre kjekt å kvila enden på det nedfelte misfarga treverket. Sidan dette gjeld pynt på sjølvaste 1000-års plassen i Stord kommune, er det sterkt å vona at vedlikehaldet tek seg opp.