Kven fortener å bli heidra for innsatsen sin i Stord-samfunnet? No oppmodar Stord kommune innbyggjarane til å nominera kandidatar til dei kommunale prisane og søkja om kulturstipend.
I 2025 var det Olav Fjell som fekk kulturprisen, medan Ingrid Belt vart tildelt kulturstipendet. No er jakta i gang på verdige mottakarar for 2026.
Stord kommune deler årleg ut fleire prisar for å heidra personar og miljø som gjer ein ekstra innsats for lokalsamfunnet. Samtidig kan kulturutøvarar søkja om kommunen sitt kulturstipend, som no er på 15 000 kroner.
Kommunen oppmodar innbyggjarane til å senda inn forslag på kandidatar som fortener ei påskjøning for innsatsen sin. Kanskje kjenner du nokon som har gjort ein særleg innsats for tilgjenge, språk, kultur eller fellesskap?
Dei kommunale prisane er:
- Tilgjengeprisen
- Seniorprisen
- Målprisen
- Eldsjelprisen
- Kulturprisen
På kommunen sine nettsider kan interesserte lesa meir om prisane og stipendet, finna oversikt over tidlegare mottakarar og senda inn nominasjonar eller søknader.
Frist for nominasjonar og søknader er 15. september.