Stord kommune har bede om møte med Kystverket for å drøfta fartsgrenser i Leirvik hamn. Det kan føra til at det vert lik fartsgrense for fritidsfartøy som for næringsfartøy, innanfor definert line frå Djupavikneset til sørenden på Husøyo. På nemnde stader står skilt som fortel at næringsfartøy skal vidare inn i hamna med max 5 knop. Skilta kom opp i 2022.
Kystverket har svart på tilvendinga frå Stord kommune, og skriv at det kan bli møte tidleg på hausten. I same brevet blir det meddelt at Kystverket ikkje plar justera fartsgrenser av omsyn til rutetider som skal haldast, jamnfør den store rutebåttrafikken til/frå terminalen på Nattrutekaien. Vidare vert det slått fast at Kystverket ikkje har for vane å godkjenna lågare fart for nærngsfartøy enn for fritidsfartøy.