Saka heitte «Revidering av retningsliner for sals- og skjenkeløyve i Stord kommune 2024-2028 ubetent sal og nettsal». Samrøystes vedtak i formannskap sist veke lyd slik:
«Kommunedirektøren får i oppdrag å starte arbeidet med å revidera retningsliner for tildeling av sals- og skjenkeløyve i Stord kommune 2024-2028, punkt 4.1.1. Ubemanna sal, og punkt 4.1.2. nettsal, samt utarbeide vilkår for tildeling av utvida salsløyve til også å gjelde fjernbetent sal eller nettsal.
Formannskapet ber kommunedirektøren legge forslag til endring av retningslinene ut på offentleg høyring, med sikte på politisk handsaming i RHO og kommunestyret i september 2026.
2. Formannskapet legg til grunn at innkomne søknader om utvida salsløyve som omfattar fjernbetent sal kan handsamast parallelt med revisjon av kommunen sine retningsliner for sals- og skjenkeløyve. Løyvevedtak som omfattar fjernbetjent sal kan eventuelt tildelast på sommarfullmakt. For å ivareta krav til internkontroll og tilsyn vert det sett vilkår i tråd med kommunedirektøren sitt forslag til revidering av retningslina som vert lagt ut på offentleg høyring. Om kommunestyret vedtek andre vilkår knytt til fjernbetjent sal enn det som følgjer av kommunedirektøren sitt høyringsforslag, vil formannskapet tildela nytt vedtak, eller trekke attende vedtak, om salsløyve som omfattar fjernbetjent sal i tråd med kommunestyret sitt vedtak, utan krav om ny søknad om, eller førehandsvarsel om tilbaketrekking av, det utvida løyvet som omfattar fjernbetjent sal.»