Det må vore dette som var meininga då Dr. Vidsteen og kona Bergitte gav denne indrefileten av ein eigedom til innbyggjarane i kommunen i 1913; At parken skulle brukast til glede for alle. Når god sang og musikk spelte på lag med det junivarme været, så var suksessen berga.
For 9nde året vart det arrangert allsang i parken. Lorentz Kannelønning tromma saman musikarane, laga flott sanghefte og er pådrivar for arrangementet i lag med venelaget for parken. Dette er tydeligvis noko publikum set pris på.
Dei som var med på scena i parken:
- Alssang-orkesteret, under leiing av Lorentz Kannelønning
- Stord demenskor
- Sangkoret Happy
- Klangboltane
- Paulina Liashko og Evelina Savchynets
- Øystein Olsen konfransier og forsonga
