Etter tre år på Stord vidaregåande skule er det denne veka obligatorisk speleeksamen for elevane i vg3 musikk. Onsdag er det pianistane og songarane som skal i elden. Fredag er det gitaristane og bassistane sin tur. Dei fleste konsertane er opne for publikum, opplyser Stord vidaregåande skule.
Tredjeklassingane skal igjennom fire eksamenar. Norsk hovudmål, skriftleg, og speleeksamen er obligatoriske for musikkelevane. Dei to andre er trekkfag.
Norsk hovudmål fann stad tysdag 5. mai, med sensur 19. juni. Same dag er det sensur for dei to trekkfaga. På speleeksamen får elevane vita karakterane sine like etter eksamen.