– Sidan forrige runden vår gjennom Hystadmarkjo Naturreservat har det skjeddgl edelege ting, som eg no vil skryta av, tipsar ein lesar. Han held fram:
Alt i nedoverbakken frå Parkeringsplassen på Storhaug og vidare langs stien mot Apalvikjo var det kutta i rekkjene av innpåtrengande greiner. Det var på tide.
Den STORE overraskinga var likevel å opna døra til det nyreiste avtredebygget (på same staden der gamaldassen stod). Der og då kunne me gleda oss over den flottaste utedoen i manns minne. Alt i kvitt, reint og fint.
– Ei takk for velgjort skal rettast mot Friluftsrådet vest, samstundes som det er høvande å senda ei oppmoding til turfolket om å syna respekt for tilbodet.