Skulle nokon av Stordront.no sine lesande vener lura på korleis det gjekk med den sterke oppmodinga til «rette instans», om ifylling av stort hol i asfalten på toppen av Torgbakken før nasjonaldagen, ja, så kan det her meldast at bøna nådde fram. Før helga kom det mannskap med svart dekke i bagasjen og ordna sakene, og fjerna såleis faren for å trakka uti. Og takk for det, frå oss mange tusen som trekte til Torget og sentrum i borgartogstid.