Folkatalet på Huglo har auka tett på 10 prosent siste åra, fordelt på tilflytting og fødselsoverskot. Den yngste garde huglarar kan markera veksten med innviing av nyaste nybygget på øya 17. mai: – Nemleg eit tremøna klatre- og leikebygg med sandkassar i kjellaren.
Huglo Bygdalag kunne reisa multibygget på dugnad, etter å ha fått ja på søknad om trivnadsmidlar frå Sunnhordland Interkommunale Miløverk sitt miljøfond. Leike-apparatet er sett opp på skuleplassen, rettare omtalt som bygdahusplassen , sidan skuledrifta er nedlagt og skulehuset er blitt samlande bygdahus med god aktivitet.