Det var ordhage Jakob Nøstvåg som i tidleg hydrofoiltid serverte utsegna: -«Sjå der gutt, der kjeme Teisten på albogane innøve Vikafle». Oddvar Oma meiner me snart igjen kan bruka utsegna på nytt, men må skifta båtnamnet til Ekspressen.
Etter 9 år på land for om- og oppbygging ved Oma Slipp, kunne første hydrofoilbåten i landet igjen kjenna sjøvatn under skrog og på foilar. Sjøsetting gjekk greit med krefter frå mobilkran og deretter slep til nybygt spesialkai hjå Oma Baatbyggeri i Aslaksvikjo.
– Går det som planlagt med tekniske installasjonar , diverse prøvar og godkjenningar frå direktoratet, vonar me å få Expressen opp på foilane (henta i Japan) om 3-4 veker, seier Oma til Stordront.no.