Hørselsforbundet Sunnhordland har over tid bede om betre lyttetilhøve for dei som treng hjelpemiddel for å høyra det som blir bore fram av ord og tonar i Stord Kulturhus. Tysdag denne veka, kunne avdelingsleiar for i Kulturhuset, Herdis Elin Belsvik senda denne meldinga til det lokale hørselsforbundet:
«Dessverre har dette tatt alt for lang tid i Stord Kulturhus. Men no har eg fått melding om at vårt høyrselshjelpemiddel skal monterast i neste veke. Dette systemet heiter Sennheiser mobile Connect. Me vonar såleis at lyttetilhøva hos oss skal bli betre for dei som har trong for denne tilrettelegginga.»