Så interessante er måkeskrika blitt, at det blir tevla internasjonalt om kven som får til å likna sjøfuglane aller best. Den meisterskapen vann nyleg ei norsk jente, les me. Om du skulle bli freista til å prøva deg, gjev her Stordront det gode tips om å leggja turen til sentrale strok av Stord by. På taket av Thon senter, Kulturhuset og Osenbygget har koloniar av kjærleikssugne og hekkeklare måkar slått seg til, og held for tida eit himla skrikeleven. Fuglane er ikkje akkurat diskret i si framferd, og studevis kan det fykande blandakoret produsera decibel på gensa til irriterande. På same tid, er dette inspirasjon å henta for den som har intensjonar om deltaking i neste års Måkeskrik-EM.