Tysdag 14. april kl. 18.30 (merk tida) inviterer Stord Kyrkjeakademi til nytt arrangement i Stord folkebibliotek.
Tema er Gud i Samtidslitteraturen. Kvifor dukkar Gud opp i så mange samtidsromanar? Alf Kjetil Walgermo kjem og held foredrag om gudsomgrepet hos forfattarar som Dag Solstad, Karl Ove Knausgård og Jon Fosse. Og «duckar» Bibelen også opp i Disneys teikneseriar?
Etter foredraget blir det mogleg å kjøpe eit utval av Walgermos eigne bøker, som «Røff guide til Bibelen», «Bibelens kvinner» og «Litteratur i Andeby».
Alf Kjetil Walgermo er forfattar, kritikar og kulturjournalist, tidlegare kulturredaktør i Vårt Land. Han har skrive ei rekkje kritikarroste bøker for barn, ungdom og vaksne. Ein av forfattarane Walgermo vil snakke om er Dag Solstad. Han kjende Solstad i mange år både som forfattarkollega og som quizkonkurrent. Som Solstad har han eit breitt spekter av interesser, er mellom anna opptatt av teikneseriar, driv med musikk, spelar på forfattarlandslaget i fotball og er trenar for eit aldersbestemt lag.
Billett ved inngang kr 150.-
Med venleg helsing Stord Kyrkjeakademi.