Ho både kvakk og kvakka grågåsa som hadde tatt turen under autovernet ved Storavatnet og sett kurs mot Samfunnshuset, då det kom ein bil i roleg fart rundt svingen. Sjåføren viste den fjørkledde respekt og stoppa heilt
opp. Men brått var det som om gåsa fekk tips om å flytta seg ut i lendet att – og ved nærare ettersyn kunne nebbet til ein interessert partner observerast på nedsida av vernet.
Siste me såg var at fuglane smilte i nebbet på veg ned til vatnet, medan me bak rattet hadde fått eit innspel om halda høveleg tilmålt fart vidare på Litlabøvegen.