Ved komlemiddagstid torsdag kunne fire snøggbåtar zoomast inn i mobillinsa, på Vikafle. Alle kledd i kjende svart/kvitt fargar. Inst «Admiralen» i vanleg rute. Ved bunkersstasjonen på Moloen «Tronsheimsfjord 1», på veg inn i trafikk i Sunnhordlandsrute C. Så kom «Fjordkatt», med kurs mot siste ordinære rutestopp ved Leirvik Terminal, før han flyttar til Oslo og oppdrag der. Han gjekk litt for seint til å halda tritt med rutetabellen i vårt nære farvatn. Og sist inn – til høgre i biletet, kjem «Fjordbris» heilt i rute.