«Laksetrappa i Frugardselva, som vart bygt på 1960-talet gir ikkje lenge tilfredstillande forhold for laks til å gå opp i vassdraget. Vanskar med å forsera trappa har vore spesielt utfordrande i periodar med lite nedbør på våren og sommaren. Tilhøva er blitt verre siste åra med større lekkasjar i demning og trapp».
Dette forklarar Ådlandsvassdraget Fiskelag SA i brev sendt ut saman med ein forstudie med alternative løysingar for oppgradering/renovering av dagens laksetrapp. Her er Statsforvaltaren i Vestland, NVE region vest, Miljødirektoratet, Vestland fylkeskommune og Stord kommune bedne koma med uttalar i saka innan 5. mai i år.
– Me vil etter resultatet frå høyringsrunden vurdera kva tiltak som bør gjerast for å betra vandringstilhøva for laksen. Arbeidet etter høyringa vil omfatta naudsynte søknader og plan for finansiering, melder Ådlandsvassdraget Fiskelag SA.