Det var Stord Rotaryklubb som i si tid (nokså lenge sidan faktisk) sette opp skilta som informerer om alt spennande som skjer i naturen langs skogstien i Landåsen-Krakateig-omådet. Siste åra har velkomstskiltet ved Landåsvatnet og dei som står langs skogsvegen vore prega av slitasje og «skeiv rygg» . Ikkje slik no lenger. Igjen helsar løypa velkomen med høgreiste skilt, klår tekst og gode illustrasjonar. Opprustinga fortener så absolutt ei hjarteleg takk og dagens ros.
