Sidan sist Stordront.no refererte ja-vedtak frå byggjefronten i Stord, har det kommunale forvaltingsleddet som behandlar desse sakene fått nytt namn. Tidlegare Eining for regulering, byggesak og oppmåling (RBO), heiter no Eining for arealforvalting – med kontor i same lokale i Rådhuset. Siste veka i februar og heile mars har vore ein aktiv periode på området, her er nokre av vedtaka gjort på delegasjonsfullmakt:
- Løyve til tiltak, dispensasjon, gang- og sykkelveg, Litlabøvegen
- Rammeløyve, fleirmannshusvære og utomhusområde, Hatlandsåsen
- Ferdigattest, riving av trekai, Børtveit
- Rammeløyve, dispensasjon, parkeringsanlegg og planering, Kjøtteinsvegen.
- Endringsløyve, oppgradering av VA-anlegg, pumpestasjon med bod og toalett, Eldøy
- Løyve til tiltak i eitt trinn, garasje med hagestove, Ådland
- Innglasing av eksisterande terrase, Nattrutekaien
- Mellombels bruksløyve, nybygg vidaregåande skule, Vikastemmo
- Løyve, igangsetting av heile tiltaket, Borggata (på «Eikelandstomten»)
- Løyve igangsetting, nybygg eld- og bakstehus, Hystadvegen
- Løyve oppretting av to nye grunneigedomar, Høyland
- Endringsløyve, dispensasjon, firemannsbustad, Eldøyvgen