– Besøker har auka jamt, og me har god tru på at det blir to gode helgar fram mot jul, seier Anne Marie Fimreite til Stordront.no. Ho står saman med Ingeborg Strand som tilskiparar av Julemarknaden i «Klingsheimbygget» i Borggata på Leirvik, med helgeopne dører frå torsdag til og med laurdag.
Marknaden byr på mangfald innan handarbeid, keramikk, måleri, smykker og strikk. Denne helga kjem det nybakst av lefser og nordlandskaker frå Halsnøy.
– Dei fleste utstillarane er frå sunnhordlands-regionen, opplyser arrangørane.
