Han blir jamt fotografert og like jamt kommentert, gråhegren som siste tida har gjort inste gjestekai i Evjo i Leirvik til strategisk god fiskeplass. Den tolmodige fiskaren er nokså fast gjest, og er blitt for kjendis å rekna i området.
Når han har teften av ein minifisk i næraste taredott, er konsentrasjonen så store at fuglen ikkje bryr seg om litt publikum på land. Så er då også hegre på matauk verd ein studie.
Ein rask google-tur fortel at det er ei solid stamme av hegre i landet, at fuglane høyer til i pelikanfamilien, han kan bli mellom 84 og 100 centimeter høg og har vingespenn mellom 1,2 og 2 meter. Det latinske namnet er Ardea Cinera.
